245

نوازشریف دی سزا، غیبی مدد مل گئی،مریم

مسلم لیگ ن دے صدر شہبازشریف دے نال اوہناں دی بھتیجی مریم نواز، خواجہ آصف، شاہد خاقان، دے دوجے آگواں پریس کانفرنس کیتی، مریم نواز مائیک سانبھدے ہوے دسیا پئی اوہناں دے والد تے تن وار دے وزیراعظم نواز شریف خلاف احتساب عدالت وچ کیس دے جج ارشد ملک دی وڈیو اوہناں کول اے، جیہدے وچ اک لیگی کامے ناصر بٹ دی ارشد ملک دے گھر اوہناں نال ملاقات ہوئی، جج دسیا العزیزیہ ریفرنس وچ اوس نواز شریف نوں سزا سنائی تے فلیگ شپ ریفنرس وچ بری کردتا۔
مریم آکھیا میڈیا وچ نوازشریف اتے کرپشن تے منی لانڈرنگ دے شرم ناک الزام لائے جاندے نیں ایہہ الزام ثابت نئیں ہوئے فیر وی سزا ہوگئی۔ ساڈی کدھرے شنوائی ناں ہوئی تاں نوازشریف فیصلہ رب اتے سٹ دتا اوہناں غیبی مدد دی اڈیک لالئی۔
مریم آکھیا خفیہ کیمرے نال بنی فلم ای غیبی مدد بن گئی۔ جیہدے وچ جج ارشد ملک دس رہے نیں پئی کیس وچ نواز شریف نال زیادتی ہوئی، فیصلے مگروں میرا ضمیر مینوں منلامت کردا رہیا، مینوں ڈرونے سفنے آندے رہے، نوازشریف خلاف کوئی ثبوت نئیں، اک دھیلے دی منی لانڈرنگ ثابت نئیں ہوئِی۔
مریم آکھیا جج نوں اوس دی وڈیو وکھا کے بلیک میل کیتا گیا۔
لیگی آگو کہندیاں نیں نوازشریف نوں مُرسی نئیں بنن دیواں گی، آخری حد تیک جاواں گی، اوہ آخری حد ایہہ فلم اے۔
مریم نواز نے عمران خان نوں وی کھل کے سنائیاں تے آکھیا اداریاں دی وساکھیاں دا آسرا چھڈ کے میدان وچ آکے مقابلہ کرن۔

اپنی رائے دا اظہار کرو

نوازشریف دی سزا، غیبی مدد مل گئی،مریم” ایک تبصرہ

تبصرے بند ہیں