115

مہنگائی نے ماڑیاں دے کڑاکےکڈہ دتے ؟ رپورٹ ساھمنے آگئی

اسلام آباد(سجن آن لائین ڈیسک ) ادارہ شماریات نے ملک وچ مہنگائی دی ہفتہ وار رپورٹ جاری کردتی اے ۔ادارہ شماریات موجب اک ہفتے دے اندر مہنگائی دی شرح وچ 1.37 فیصد ودھا ریکارڈ کیتا گیااے تے ھن پورے ملک وچ مہنگائی دی شرح 13.64 فیصدہوگئی اے جد کہ گھٹ کماون والے ماڑے لسے لوکاں لئی مہنگائی دی شرح17.20 فیصد اتے اپڑ گئی اے ۔
ادارہ شماریات دی رپورٹ موجب اک ہفتے دے اندر 24 شیواں دے مل وچ دادھا ھویا تے 5 شیواں دیاں قیمتاں وچ کمی ویکھی گئی جد کہ 22 شیواں دے مل اپنی تھاں اتے کھلوتے رھے ، جیوندی ککڑی دد اک کلو قیمت وچ 15 روپے27 پیسے وادھے نال 214 روپے 47 پیسے ہوگئی اے جد کہ گھیو پونے 5 روپے مہنگا ہویا ۔پیاز دی اک کلوقیمت وچ 11روپے 92 پیسے، ٹماٹر 11 روپے 36 پیسے، آلو 68 روپے، لسن 3 روپے 63 پیسے، دال مسراں 3 روپے 65 پیسے، انڈے 6 روپے 29 پیسے تے وڈا گوشت ( بیف) 6 روپے 10 پیسے فی کلو مہنگا ہویا۔آٹے دے 20 کلو دا تھیلا 57 روپے 85 پیسے ھور مہنگا ہوگیا اے تے ھن 20 کلو تھیلے دی قیمت 1222 روپے7 پیسے ہوگئی اے ۔

اپنی رائے دا اظہار کرو