202

ملک وچ 9 ہزار ڈینگی دے شکار،16 ہلاکتاں

اسلام آباد: ملک بھر وچ ایس ورھے دوران ہن تائیں 8 ہزار 933 ڈینگی کیس رپورٹ ہوئے جد کے وائرس کارن 16 بندے اپنی جان توں گئے۔

نیشنل انسٹیٹیوٹ آف ہیلتھ (این آئی ایچ) دے چیف آف ڈیزیز سرویلنس ڈویژن ڈاکٹر رانا صفدر دا کہنا اے کہ سندھ توں 2 ہزار 132 کیس، پنجاب توں 2 ہزار 76، بلوچستان توں اک ہزار 772، خیبر پختونخوا توں اک ہزار 612، اسلام آباد دے اک ہزار 206 تے آزاد جموں و کشمیر توں 92 کیس رپورٹ ہوئے نیں۔
اسلام آباد تے راولپنڈی وچ ایہہ وبا بری طرحاں پھیل گئی اے جدکے پنجاب وچ سامنے آوں والے 43 دا تعلق دوجے صوبیاں توں سی۔
اوہناں دسیا کہ ‘8 بندے سندھ ، 3،3 اسلام آباد تے بلوچستان تے 2 پنجاب وچ ڈینگی کارن جان توں گئے،
ڈاکٹر صفدر دا کہنا اے کہ راولپنڈی وچ ایئرپورٹ ہاؤسنگ سوسائٹی، گلبہار اسکیم، وکیل کالونی، ڈھوکی منشی تے کوٹ جبی توں کیس سامنے آئے نیں جدکہ اسلام آباد وچ موہرا نگیال تے یو سی کھرپا وچ ڈینگی دے کیس رپورٹ ہوئے نیں۔

اپنی رائے دا اظہار کرو