294

ملک تیجی علاقائی جنگ وَل وَدھ رہیائے، اختر مینگل

اسلام آباد (سجن رپورٹ) بلوچستان نیشنل پارٹی (مینگل) دے سربراہ سردار اختر مینگل ہوراں خبردار کیتائے کہ ملک تیجی علاقائی جنگ وَل وَدھ رہیائے۔ اوہناں ایران تے سعودی عرب وَل اشارہ کر دیاں آکھیا کہ ریاست دوجیاں دے مفادات لئی ملک نوں علاقائی رَولیاں چ گھسیٹ رہی اے اَتے ہُن جنگ دا مرکز قبائلی علاقے نئیں بلوچستان ہوسی۔
وائس آف امریکہ نال خصوصی گل بات چ اختر مینگل نے آکھیا جے کر موجودہ سرکار اوہناں نال کیتے معاہدے اَپر عمل کرے تاں بلوچستان دے چوکھے مسئلے حل ہو سکدے ہین اَتے جے سرکار ایہناں دے حل لئی سنجیدہ نئیں تے فیر او اگلے بجٹ بعدوں حکومت نالوں وَکھرے ہو جاسن۔ اوہناں آکھیا پئی جدوں تائیں لاپتا افراد دا مسئلہ حل نئیں ہوندا بلوچستان دے مسئلے حل نئیں ہو سکدے۔

اپنی رائے دا اظہار کرو