305

مسلماناں خلاف نفرت وچ ودھا، انتونیو گوتریس خبردارکردتا

قوماں دے ایکے دی تنظیم یواین دے پردھان انتونیوگوتریس نیں مسلماناں خلاف پھلائی نفرت وچ ودھا دی چیتاونی دتی اے، فرانسیسی خبرایجنسی اےایف پی دسیا جے مصر وچ امام اعظم احمد الطیب نال ملاقات دوران نیوزی لینڈ دی مستیاں اتے حملیاں توں اک مہینے مگروں اوہناں ایہہ بیان دتا۔ سیکرٹری جنرل جامعہ الازہر وچ امام اعظم نال ملاقات دےموقعے اتے آکھیا کہ دنیا دے وکھوں وکھوں علاقیاں وچ مسلمان مخالف جذبات، ایس حوالے نال پھیلی نفرت، ایس دے نال یہود دشمنی، نسل پرستی تےدوجے ملکاں توں آون والیاں نال بیزاری ودھ رہی اے۔ اوہناں خبردار کیتا کہ نفرت پھیلان والا بیانیہ عام لوکاں وچ بڑی تیزی نال ودھ رہیا اے ایہہ سوشل میڈیا اتےجنگل دی اگ وانگ پھیل جاندا اے۔ ایس نوں کنٹرول کرن دی لوڑ اے۔
ا

اپنی رائے دا اظہار کرو