289

مانیٹری پالیسی۔ مہنگائی ودھی اے۔ سٹیٹ بنک

اسٹیٹ بینک نے اپریل دی پہلی تریخ توں شرح سود پنجاہ بیسس پوائنٹس ودھا دتی، کمرشل بینکاں دی شرح سود ہن ادھا فیصد ودھ جاوے گی۔ جمعہ نوں کراچی توں جاری کیتے مانیٹری پالیسی بیان وچ اسٹیٹ بینک آف پاکستان دا کہنا سی کہ مالی سال 2019 دے پہلے دو مہینیاں وچ تجارتی خسارہ کافی گھٹ ہویا اے, زرمبادلہ دا ان فلو ودھیا اے جیہدے نال اسٹیٹ بینک دے غیر ملکی کرنسی دے ذخیرے تے دباء کجھ گھٹ گیا اے. لیکن دوجے پاسے ملک وچ مہنگائی مسلسل ودھدی پئی اے. اسٹیٹ بینک دی رپورٹ وچ دسیا گیا اے کہ ملک وچ مالیاتی منڈیاں وچ ٹھہراو آیا، بے یقینی گھٹ ہوئی تے کاروباری برادری دا اعتماد ودھیا اے. رپورٹ وچ منیا گیا اے بئی جولائی 2018 توں فروری 2019 دے دوران کنزیومر پرائس انڈیکس تے مہنگائی 6.5 فیصد ریکارڈ کیتی گئی جیہڑی پچھلےمالی ورھے ایہناں ہی مہینیاں وچ 3.8 فیصد سی. رپورٹ وچ اسٹیٹ بینک دے سیانیاں نے ایہہ خدشہ وی ظاہر کیتا اے جو محصول اکٹھے کرن دے وعدے پورے کرن وچ ناکامی تے دفاع دے خرچے ودھ جاون دے کارن 2019 دا خسارہ ٹارگٹ توں ودھ جاوے گا.

ریڈیو پاکستان

اپنی رائے دا اظہار کرو