316

قید وچ کشمیری صحافی، امریکی ایوارڈ جت لیا

سرینگر:برہان وانی دی شہادت اتے رپورٹنگ کردیاں اک ورھے توں سرینگر دی جیل وچ قید صحافی آصف سلطان دے ماں پیو دسیا اوہناں دے پتر نیں اک اُچا ایوارڈ جت لیا اے۔ اوہناں نوں نری ایوارڈ دی جانکاری ملی اے ہالے اوہ ایہہ وی نئیں دس سکدے پئی کس ادارے یا تنظیم ولوں ایوارڈ دا اعلان کیتا گیا۔ ایہہ ادھ پچدھی اطلاع وی رابطے بند ہوون دوران ملی اے۔
آصف سلطان دے والد محمد سلطان ریٹائرڈ سرکاری افسر نیں، اوہناں نوں کسے دسیا کہ ایس ہفتے دوران ایوارڈ دتا گیا ے، کیہدے ولوں دتا گیا ایس دی ہالے کوئی جانکاری نئیں مل سکی۔ ایہہ میرے تے میرے پتر لئی اک اعزاز دی گل اے۔ مینوں خوشی اے پئی لوکاں میرے پتر دے کم تے اوہدیاں اپنے شعبے وچ کیتی کوششاں نوں سلاہیا تے اوس نوں منیا اے۔
میڈیا دی جانکاری موجب 38 ورھے دے آصف نوں امریکی نیشنل پریس کلب ولوں جمعرات نوں پریس فریڈم ایوارڈ دتا گیا، زیادہ لوکاں نوں ہالے تائیں علم نئیں پئی اوہ کس حال وچ اے۔

اپنی رائے دا اظہار کرو