329

دو ڈاکٹراں دے اٹک وچ قتل دے شہبے وچ تن بندے پھڑے گئے

اسلام آباد( سجن رپورٹ )فتح جنگ توں اغوا کر کے قتل کیتے جان والے 2 احمدی ڈاکٹراں دے تن قاتل پھڑے گئے نیں۔۔ اٹک دے ڈسٹرکٹ پلس افیسر سید شہزاد ندیم بخاری نے اک پریس کانفرنس وچ دسیا کہ ڈاکٹر طاہر عزیز تے ڈاکٹر افتخار نوں کجھ دیہاڑ پہلوں فتح جنگ دے علاقے گلی جاگر توں اغوا کیتا گیا سی۔ اوہناں دا اکھنا سی بئی ملزم فضل الحق، جہانزیب تے گل خان نے رل کے دوہاں ڈاکٹراں نوں اغوا کیتا تے اوہناں کولوں زمین دے کاغذاں اتے دستخط کران دی کوشش کیتی۔ انکار تے ملزماں نے دوہاں ڈاکٹراں نوں گولیاں مار کے قتل کر دتا تے لاشاں چھپڑ وچ سٹ دتیاں۔ پلس نے لاشاں کڈھ کے پوسٹ مارٹم لئی گھل دتیاں۔ ڈاکٹر افتخار کجھ دیہاڑ پہلوں امریکہ توں پاکستان پَرتے سن۔

اپنی رائے دا اظہار کرو