279

غیر ریاستی گروہاں خلاف کارروائی کراں گے ۔قریشی

خارجہ وزیر شاہ محمود قریشی بی بی سی نال گل کردیاں آکھیا پاکستان غیر ریاستی عناصر نوں ملک تے علاقے دے امن نوں خطرے وچ پاون دی اجازت نئیں دیوے گا۔ حکومت شدت پسند گروہاں خلاف کارروائی دا پک کیتا اے۔
شاہ محمود دا آکھنا اے حکومت کسے ملیشیا یا جنگجو گروی نوں ہتھیار ورتن یا اینہاں راہیں دیشت پھیلان نئیں دیوے گی۔ جے کسے اجیہی حرکت کیتی تاں حکومت اوس خلاف ایکشن لوے گی۔
اوہناں دا آکھنا سی پاکستان اتے بھارتی پائلٹ رہا کرن لئی کوئی دبا یاں مجبوری نئیں سی۔ خارجہ وزیر نیں صاف آکھیا پاکستان خطے دے امن نوں سیاست دی نذر نئیں چرھانا چاہندے۔
اک سوال دے جواب وچ شاہ محمود دا آکھنا سی جیش محمد خلاف ثبوت ملے تاں کارروائی کیتی جاوے گی۔

اپنی رائے دا اظہار کرو