340

طوفانی مینہ نال پورے ملک وچ لکھاں ایکڑ کھلوتی فصلاں تباہ

لہور (سجن رپورٹ) بلوچستان، سندھ تے پنجاب دے جنوبی تے وسطی ضلعیاں وچ سوموار تے منگل دی درمیانی رات ہنیری، بارش تے اولے پین نال لکھاں ایکڑ رقبے تے کھڑی فصلاں، انگور، امب تے مالٹے دے باغاں تے سبزیاں دی فصلاں دا چوکھا نقصان ہویا، کاشتکار تے وپاریاں دا اک رات وچ کروڑاں ارباں روپے دا نقصان ہو گیا۔
پچھلے 24 گھنٹیاں وچ بلوچستان، سندھ تے پنجاب وچ دور دور تائیں ہنیری جھلن، گڑے پین تے تیز بارش ہوون نال جانی نقصان وی ہویا، غیر سرکاری زریعے ہنیری تے طوفان نال ہوئے حادثیاں وچ مرن والیاں دی گنتی ویہہ توں ودھ دس رہے نیں۔ کل رات طوفان نال سب توں بوہتا نقصان ڈیرہ غازی خن ڈویژن وچ ہویا جتِھے برساتی نالیاں وچ ہڑھ آ گیا تے اک وڈا پل ہڑھ وچ رڑھ گیا۔ ڈیرہ غازی خان ڈویژن دے کئی علاقیاں وچ ڈیڑھ انچ موٹے گڑے ڈگے جیہدے نال فصلاں نوں شدید نقصان ہوئیا۔ ملتان بہالوپور، میلسی،۔وہاڑی، میاں چنوں، خانیوال، بورے والا، ساہیوال، سرگودھا، لہور، شیخوپورہ تے ہور کئی علاقیاں وچ طوفانی ہوواں تے تیز مینہہ نے امب تے مالٹے دے باغاں تے کنک دی کھڑی فصلاں دا گھنا نقصان ہوئیا۔ کئی علاقیان وچ ہنیری نال درخت تے بجلی دے کھمبے ڈگ پئیے تے ہورڈنگ بورڈ وی ڈھے گئے۔

عینی شاہداں سجن نوں دسیا کہ وسطی پنجاب وچ ہنیری چلن نال میلاں دے رقبے تے کنک دی کھڑی فصل ڈگ گئی، ہنیری دے بعد مینہہ وسن تے گڑے پین نال فصلاں دا نقصان ہور ودھ گیا۔ جنوبی ضلعیاں وچ امب دے بوٹیاں تے لگیا بور ہنیری تے ژالہ باری نال ڈگ گیا تے سینکڑے درخت وی ڈگ پئے۔
محکمہ موسمیات دے مطابق بلوچستان، خیبر پختونخوا، پنجاب تے کشمیر وچ اکثر تھانواں تے جدوں کہ حیدر آباد، لاڑکانہ، سکھر ڈویژن، اسلام آباد تے گلگت بلتستان میں کئی تھانواں تے تیزہواواں، ہنیری جھلن دے نال بارش وی ہوئی۔سب توں بوہتی بارش بلوچستان وچ ہوئی۔ سبی وچ 40 ملی میٹر، بارکھان وچ 39 ملی میٹر، ژوب23، تربت20،کوئٹہ 10، قلات، خضدار، اورماڑہ 04، پنجگور، دالبندین، لسبیلا02 ملی میٹر بارش ہوئی۔
پنجاب دے ضلع بہاولنگر وچ 35 ملی میٹر، قصور30، خانیوال26، لیہ25، فیصل آباد24، ڈی جی خان17، ساہیوال14، ٹوبہ ٹیک سنگھ، جھنگ13، اسلام آباد(ائیرپورٹ 10) بھکر 09، حافظ آباد08، لاہور(ائیرپورٹ08، سٹی05)، کوٹ ادو، نورپورتھل، یم بہاولپور، جوہرآباد07، سیالکوٹ، ملتان05، اوکاڑہ04، سرگودھا، چکوال02، مری جہلم، منڈی بہاوٰالدین01،
خیبر پختونخوا دے مالم جبہ21، میرکھانی20، پارہ چنار 14، دروش 12، کالام، بالاکوٹ 11، دیر(لوئیر 11، اپر10)، سیدو شریف 07، بنوں03، کاکول، چراٹ، پشاور02 ملی میتر
کشمیر وچ راوالاکوٹ11،گڑھی دوپٹہ 07، مظفرآباد05 ملی میتر
سندھ دے ضلع دادو وچ 10، سکھر ، جیکب آباد وچ 01ملی میٹر بارش ہوئی۔ استور میں 01 ملی میٹر بارش ریکارڈ کیتی گئی

اپنی رائے دا اظہار کرو