265

صحافتی آزادی، پاکستان دا بُرا حال

میڈیا نگرانی دے عالمی ادارے رپورٹرز ود آؤٹ بارڈرز نیں صحافتی آزادی بارے ملکاں دی درجہ بندی جاری کردتی۔ جیہدے وچ کئی ملک اپنے پچھلے پدھر توں وی گھٹ درجے اتے اپڑ گئے نالے اوہ بوہتے بھیڑے حال وچ گھرے نیں۔
ایس فہرست وچ ناروے ایس وار تیجے ورھے وی سبھ توں اوتے،جیہدے مگروں فن لینڈ، سوئیڈن تے ہالینڈ دا نمبر اے۔
رپورٹ دسیا پاکستان وچ میڈیا نوں سنسرشپ دے کڑے معاملیاں دا سامنا اے۔ الیکشناں وچ وی کجھ اخباراں نوں ونڈن وچ اوکڑاں آئیاں۔ اشتہار واپس لین بارے دھمکیاں دتیاں گئیاں، جد کے کجھ چینلز دے سگنلز وی بند کردتے گئے۔ ایس صورتحال مگروں پاکستان اپنے پرانے درجے توں 3 درجے نیواں چلا ہوگیا۔
آر ایس ایف مطابق صورتحال اوس ویلے ہور وگڑ گئی جیہدوں سخت طریقیاں دا آسرا لتا گیا، یعنی ڈرانا دھمکانا، جسمانی تشدد تے گرفتاریاں تیکر نوبت آگئی۔
رپورٹ وچ دسیا پئی نویں سرکار نیں پچھلے ورھے پاکستان میڈیا ریگولیٹری اتھارٹی بناون دا اعلان کیتا۔ جیہدے وچ اکھر ’ریگولیشن‘ سدھا سانواں سنسر شپ ول اشارہ کردا اے۔ رپورٹ وچ دسیا صوبہ بلوچستان تے خیبر پختونخوا وچ صحافی سبھ توں ودھ خطرے دی زد وچ نیں۔ لنگھے ورھے 3 صحافی قتل کردتے گئے

اپنی رائے دا اظہار کرو