239

شہباز شریف مولانا دے آزادی مارچ وچ شرکت دے مخالف

مسلم لیگ (ن) دے لاہور وچ سینیئر رہنماؤاں دے اہم اجلاس دی اندرونی کہانی سامنے آگئی۔
ذرائع مطابق اکٹھ وچ مسلم لیگ ن دے صدر شہباز شریف مولانا فضل الرحمان دے آزادی مارچ تے دھرنے وچ شرکت دے حامی نئیں تے اوہناں نے اپنے مؤقف دے حق وچ ماضی دی مثالاں وی دتیاں۔
شہباز شریف مطابق جے مولانا فضل الرحمان دا آزادی مارچ تے دھرنا مِس فائر ہویا تاں حکومت نوں نویں زندگی مل جائے گی۔
اوہناں نے ٹکراؤ دی پالیسی توں ہون والے نقصاناں بارے رہنماؤاں نوں جانکاری دتی۔ ذوالفقارعلی بھٹو تے بے نظیر بھٹو دی ٹکراؤ دی پالیسی دا انجام وی دسیا۔
ذرائع دا کہنا اے کہ اجلاس وچ پارٹی رہنماؤاں دی اکثریت نے آزادی مارچ تے دھرنے وچ شریک ہون دی حمایت کیتی جد کہ اجلاس دی ساری کارروائی پارٹی قائد نواز شریف نوں وی گھلی گئی۔
اجلاس وچ شہباز شریف دا کہنا سی کہ اوہناں نوں چار وار وزیر اعظم دی پیشکش ہوئی جنہوں اوہناں ٹھکرادتا، نواز شریف نال بغاوت دا تصور وی نئیں کرسکدے۔
سیاست چھڈ دیاں گا لیکن نواز شریف نال اختلافات دا بوجھ نئیں سہار سکدا۔
شہباز شریف نے دسیا کہ ماضی وچ اوہ نواز شریف نوں خطریاں توں جانکاری دیندے رہے نیں۔
اپنے خدشات اور تحفظات کے باوجود نواز شریف پر مکمل اعتماد کا اظہار کیا اور نواز شریف کو دیے گئے اپنے مشوروں پر بھی پارٹی رہنماؤں کو آگاہ کیا۔

اپنی رائے دا اظہار کرو