248

سگریٹ تے بوتل اتے ہیلتھ ٹیکس دی منظوری

تحریک انصاف سرکار نے مالی ورھے 20-2019 دے بجٹ وچ تمباکو نوشی نوں ڈکن لئی سگٹاں تے کاربونیٹڈ ڈرنکس (بوتلاں) اتے ہیلتھ ٹیکس لاون دی منظوری دے دتی۔

ڈان نیوز مطابق سگریٹ دے فی پیکٹ اتے 10 روپے جدکے کاربونیٹڈ ڈرنکس (مشروباں) دی 250 ملی لٹر بوتل اتے اک روپیہ ہیلتھ ٹیکس عائد کرن دی منظوری دتی گئی اے۔
سرکاری کاغذاں مطابق ہیلتھ ٹیکس توں ملن والی رقم صحت دی ترقی اتے خرچ کیتی جائے گی نالے بجٹ وچ سگریٹ دی غیرقنونی تجارت خلاف پیر پٹے جاون دی سلا اتے غور کیتا گیا۔
ایہہ وی سیا گیا کہ سگریٹ تے دوجی شیواں دی غیر قنونی پیدوار تے تجارت دی مانیٹرنگ وی کیتی جاوے گی۔ ایس سلسلے وچ وزارت نیشنل ہیلتھ سروسز اینڈ ریگولیشنز مسودہ پیش کرے گی۔
اک گویڑ موجب پاکستان وچ سالانہ 143 ارب 21 کروڑ روپے دے سگریٹ پھوکے جاندے نیں، جدکے سالانہ اک لاکھ 60 ہزاربندے تمباکو نوشی نال مرجاندے نیں۔
پاکستان وچ اک کروڑ 56 لاکھ بندے تمباکو پھوکدے نیں۔

اپنی رائے دا اظہار کرو