291

سگرٹاں پین والے ودھ گئے، سرکار داٹیکس لان اتے غور

سرکارنےملک وچ تمباکو خلاف ٹیکس نافذکرن اتےاتفاق کرلیااے۔وفاقی کابینہ دے اجلاس وچ آکھیا گیا کہ ملک وچ سبھ توں ودھ موتاں سگرٹاں پین نال ہوندیاں نیں۔ موت کے سوداگراں لئی کوئی تھاں نئیں اے،صلادتی گئی کہ تمباکو نال رلدی شیواں دی قیمت ودھان نال سگرٹ پین نوں روکن وچ مددملے گی،ٹیکساں نال 30 توں 50ارب روپے ہورملن گے۔ کابینہ نےتمباکو نوشی روکن لئی ٹیکس ریفارمز لیان دافیصلہ کیتااے۔
وزارت قومی صحت سروسز (این ایچ ایس)دےنمائندیاں دسیاے کہ تمباکو چھکن نال صحت دے مسائل پیداہوجاندے نیں، پاکستان دنیا دے پہلے 15 ملکاں وچ شامل اے ،جتھے تمباکو دے کارن لوکیں بیمار ہوکے صحت اتے خرچ کر دے نیں۔
گلوبل اڈلٹ ٹوباکو سروے 2015 دی رپورٹ مطابق پاکستان وچ اک دیہاڑ وچ اک ہزار توں 12 سو بندے جنہاں دی عمراں 6 توں 15 ورھے وچکار ہوندی اے اوہ سگریٹ چھکنا شروع کردیندے نیں۔ پاکستان دی 60 فیصد آبادی جواناں اتے مشتمل اے جنہاں د ی عمراں 25 ورھے توں گھٹ اے۔ جوان منڈے بڑی خطرناک حد تیک تمباکو شکار ہورہے نیں۔ جیہدے کارن سخت ٹیکس ریفارمز تےسگریٹ گھٹ عمر والیان نوں ویچن دی نگرانی دی لوڑاے۔

اپنی رائے دا اظہار کرو