277

سارا ٹبر، پارٹی جیل گھل دیو، گل نئیں بدلاں گے

اسلام آباد (سجن رپورٹ)بلاول بھٹو زرداری بغیر کسے دا نام لتے بغیر آکھیا تسیں جو کجھ کرنا اے کرلو، اسیں دھمکیاں وچ آن والے نئیں، گرفتاریاں توں ڈرن والے نئیں، فوجی عدالتاں، 18ویں ترمیم تے صدارتی نظام اتے موقف نئیں بدلاں گے۔پریس کانفرنس کردیاں اوہنا آکھیا، جناں قرضہ سرکار لیتا، پاکستان دی تریخ وچ کسے سرکار ایناں قرضہ نئیں لیتا۔تحریک انصاف سرکار لوکاں دے 9 مہینے ضائع کردتے۔
اوہناں دا کہناسی،سرکار امیراں لیے ایمنسٹی چھوٹ دی اسکیم لیاندی جدکے غریباں لیے ہورمہنگائی کیتی گئی۔
چیئرمین پی پی پی آکھیا’غریباں اتے ظلم کرن والی سرکارخلاف لوکاں دا ردعمل آوے گا، اوہ کدتیکر ایہہ ظلم برداشت کرن گے۔
بلاول آکھیا کہ نیب دا کالا قانون تے معیشت نال نال نئیں چل سکدے۔ تاجراں ، مل مالکاں نوں جےانج ای تنگ کیتا گیا تے معیشت کیویں چل سکے گی۔جے ملک وچ 2 کروڑ لوکیں ٹیکس دیندے نیں تے باقی نئیں دیندے تےاوہ چور ڈاکو نئیں۔
بلاول آکھیا 18ویں ترمیم، صدارتی نظام، فوجی عدالتاں، جمہوریت، میڈیادی آزادی تےسنسر شپ اتے اپنا موقف نئیں بدلاں گے، بھلےتسیں میرے سارے ٹبر ، پوری پارٹی نوں جیل گل دیو۔

اپنی رائے دا اظہار کرو