300

سائنس داناں وَڈے بلیک ہول دی تصویر لَے لئی

اسلام آباد (سجن رپورٹ) فلکیات دے ماہراں اِک دور دراز کہکشاں چ موجود بہوں وڈے بلیک ہول دی پہلی واری تصویر لئی اے۔ ایہہ بلیک ہول 400 ارب کلومیٹر لَماں ہے تے اَساڈی زمین نالوں 30 لکھ گنا وڈا اے، اَساڈے توں کوئی 50 کروڑ کھرب کلومیٹر دور واقع ایس بلیک ہول دی تصویر دنیا دے وکھو وَکھ علاقیاں چ لگیاں اَٹھ دور بیناں نال لئی گئی اے۔ نیدرلینڈز دے ماہر ہاینو فلیک جِیہنے ایہہ تجربہ کرن دی مَت دِتی سی، نے بی بی سی نوں دسیائے کہ جس کہکشاں دی تصویر لئی گئی اے اوہنوں ایم ستاسی کیہا جاندئے۔ اوہناں دَسیا کہ ایہہ بلیک ہول اَساڈے پورے نظامِ شمسی توں وڈا ہے اَتے ایہدا حجم سورج نالوں 6.5 ارب گنا وڈا اے تے ہُن تائیں لَبھن والا سبھ توں وزنی بلیک ہول اے۔ ایہدی روشنی اَساڈی کہکشاں چ موجود سبھناں ستاریاں توں چوکھی اے ایس لئی ایہہ زمین توں نظر آ سکیائے۔

اپنی رائے دا اظہار کرو