496

رفاقت وی سَنگ چھڈ گیا…

لہور (سجن رپورٹ) رفاقت ساتھ چھڈ گیا، جِند دے بھاری پتھر توں تنگ رفاقت اجازت لَے گیا۔ داتا دربار ساہمنے ہوون والے خودکش دھماکے وچ پنچ بالاں دا پیو رفاقت وی شہید ہو گیا۔ اوہدے گھر وَل جھاتی مارئیے تاں لگدائے کہ اوہ پہلے وی کوئی جیوندا نئیں سی۔ بُھکھ نے اوہدے وَل پہلاں ہی اَت گردی مچائی ہوئی سی۔ لہور دے علاقے گڑھی شاہو دا رہن والا رفاقت داتا دربار تے سکیورٹی گارڈ سی اوہنوں پنج مہینیاں توں تنخواہ نئیں سی لَبھی۔ اوہ جیہڑی سکیورٹی کمپنی ولوں دربار اُتے گارڈ لگیا سی اوس کمپنی نے 74 گارڈش دربار اَپر لائے ہوئے سن۔ رفاقت دی تنخواہ 9 ہزار روپے سی تے اوہ وی نئیں سی لَبھدی۔ رفاقت دیاں نِکیاں نِکیاں 3 بالڑیاں نوں موت دے ھنیرے دا اُکا کُج نئیں سی پتہ، اوہ پیو دی ہمیش لئی جدائی دی خبر دین والیاں نوں بِٹ بِٹ تکدیاں سن۔ تن سو روپے دیہاڑی دار دی بیوہ نے ہُن تیک آپنی حیاتی چنگے ویلے دی آس وچ لنگھا دتی تے ہن فیر اِک لَمے پینڈے دی مسافر بن گئی۔

اپنی رائے دا اظہار کرو

3 تبصرے “رفاقت وی سَنگ چھڈ گیا…

  1. روح کھچ خبر یاررررررر——-دکھی کر دتا ای

  2. روح کھچ خبر یاررررررر——-دکھی کر دتا ای طارق بٹ

تبصرے بند ہیں