244

دورہ امریکا، حافظ سعید گرفتار، ٹرمپ خوش

وزیراعظم عمران خان آندے ہفتے امریکا دی یاترا اتے جارہے نیں، جیہدے وچ اوہناں نال وزیر تے فوج دے آگو وی جاون گے۔ واشنگٹن وچ اوہناں دی وائٹ ہاوس وچ صدر ڈونلڈ ٹرمپ نال ملاقات ہووے گی، دسیا گیا اے کہ دوہاں ملکاں دے خراب تعلقاں نوں پٹری اتے لیاون دے آہر کیتے جاون گے۔
پاکستان سرکار نے دورے کی تیاری کردیاں، امریکا دی اک منگ اتے کارروائی کردیاں، جہادی تنظیم دے آگو حافظ سعید نوں گرفتار کرلیا، دسیا جاندا اے کہ اوہ کسے مقدمے وچ ضمانت کراون لئی گوجرانوالہ جارہے سن، تے اوہناں نوں دہشت گردی روکن دے محکمے سی ٹی ڈی پھڑلیا۔
ایس کارروائی اتے امریکی صدر اپنا فوری ردعمل دسیا کہ 10 ورھے دی تلاش مگروں مبمئی دہشت گرد حملیاں دا نام نہاد ماسٹر مائنڈ پاکستان وچ گرفتار ہوگیا‘۔ اسیں لنگھے دو ورھیاں توں پاکستان اتے دبا پارہے ساں۔ یاد رہے امریکا حافظ سعید دے سر دا مُل اک کروڑ ڈالر رکھیا سی،
سی ٹی ڈی حکام نے حافظ محمد سعید نوں دہشت گردی دی مالی مدد دے الزام وچ گرفتار کرکے جوڈیشل ریمانڈ تے کیمپ جیل گھل دتا اے۔

اپنی رائے دا اظہار کرو