274

دادو: ’جنگل وچ پیاس ماں، بچے دی جان لے لی‘

شامیں پنج وجے دا ویلا اے، طوفانی ہوا دے جھکڑ چل رہے سن، چارچفیرے ریت دا گولا بن گیا سی، دو بال جیہڑے جنگل وچ بکریاں چارن گئے سن، محرم چانڈیو کول آئے اوہناں دسیا پئی جنگل وچ اک زنانی تے بال موئے پئے نیں۔ محرم چانڈیو ضلع دادو دے علاقے کاچھو دے پنڈ جعفر خان چانڈیو دا وسنیک اے جیہڑا تحصیل فرید آباد توں 17 کلومیٹر دور اے۔
اوس بی بی سی نال گل کردیاں دسیا کہ اوہ جدوں اوتھے اپڑیا تاں ویکھیا زمین اتے زنانی تے دو ورھیاں دا بال دی لاشاں پئیاں نیں۔ اوہ بچہ ماں دی چھاتی نال لگیا اے، ماں دا اک ہتھ اوس دے سر اتے وے۔ دوناں دے ساہ مُک گئے سن۔

’میں ٹیلیفون اتے نال دے پنڈ دے لوکاں نوں اطلاع دتی کہ جنگل وچ زنای تے بال دی لاش ملی اے۔ جیہدے مگروں علاقے دے لوکیں شناخت لئی اپڑے۔ اوہ زنانی سبحانہ تے اوس دا بال واحد بخش دے نام توں شناخت کرلئے گئے۔ اوہ مشغور چانڈیو پنڈ دے رہائشی دسے گئے۔‘
دسیا جاندا اے ایہہ زنانی اپنی دھی نوں ملن پنج کلومیٹر دور وسان پنڈ جارہی سی، طوفان پاروں راہ بُھل گئِ، اوہدے کول کوئی پانی وی نئیں سی، جدکے آل دوالے وی کدھرے پانی دا وسیلہ موجود نئیں سی۔ کیوں جے اوہ تھاں آبادیاں توں دور سی۔ ‘
علاقے دی پلس لاشاں تحصیل ہپستال میھڑ لے گئی جتھے ڈاکٹراں پوسٹمارٹم کیتا، جیہدے مطابق زنانی دی عمر پنجاہ ورھے تے بال دی چار ورھے دسی گئی۔ دوہاں دی موت دا کارن پانی نہ ملنا دسیا گیا، جیہدے کارن اوہناں دے جھسے خشک ہوچکے سن۔
سندھ دے صحرائی علاقے تھر وانگ کاچھو وچ وی لنگھے دو ورھیاں توں قحط پے رہیا اے، ایہہ علاقہ نوری آباد سے لے کے شہداد کوٹ دے پہاڑی سلسلے تیک پھیلا اے۔
صوبائی کابینہ دادو تے جام شورو دے کاچھو تے کوہستان دے علاقے نوں قحط زدہ قرار دے چکی اے۔

اپنی رائے دا اظہار کرو

دادو: ’جنگل وچ پیاس ماں، بچے دی جان لے لی‘” ایک تبصرہ

  1. je sarkar sindh di apni zimmawari puri karey te pindan, jhokan noo paani puhchaey . eh dowan motan di zimmawar sarkar je.

تبصرے بند ہیں