224

حافظ سعید نوں سزا، امریکا خوش ہویا

امریکا نے آکھیا کہ حافظ سعید نوں مجرم قرار دینا دہشتگرداں دی مدد کرن والیاں نال نبڑن دے پاکستانی وعدے پورے کرن والا پیر قدم اے۔
امریکی محکمہ خارجہ جنوب وسطی ایشیا بیورو دا کہنا اے کہ حافظ سعید نوں مجرم ٹھہرایا جانا لشکر طیبہ نوں اوہدے جرماں اتے انصاف دے کٹہرے وچ لیاون ول اہم قدم اے۔
12 فروری بدھ نوں لہور دی دہشت گردی مخالف عدالت کالعدم جماعت الدعوۃ دے آگو حافظ سعید نوں دہشت گرداں دی مالی مدد کرن دے دو مقدمیاں وچ 11 ورھے قید دی سزا سنا دتی۔عدالت نے حافظ سعید نوں 30 ہزار روپے جرمانہ وی کیتا۔
حافظ سعید نوں انسداد دہشت گردی ایکٹ تحت سزا سنائی گئی، جیہدے وچ ساڑھے پنچ، ساڑھے پنچ ورھے قید تے،،15، 15 ہزار روپے جرمانہ کیتاگیا۔
عدالت نے کرمنل پروسیجر کوڈ دی دفعہ 382-بی تحت اوہناں نوں فیدہ دتا(سزا دی مدت وچ کمی )حافظ سعید نال اوہناں دے نال الانفال ٹرسٹ دے سیکریٹری ملک ظفر اقبال نوں وی ایس جرم وچ سزاسنائی گئی۔

اپنی رائے دا اظہار کرو