189

جرمنی وچ “را” داایجنٹ جوڑا ’سکھاں تےکشمیریاں دی جاسوسی کردا‘

جرمنی دی عدالت وچ دو انڈین میاں بیوی خلاف بھارتی خفیہ ایجنسی ریسرچ اینڈ انیلیسز ونگ (را)لئی سکھاں تے کشمیریاں دی جاسوسی دے الزام دا مقدمہ شروع ہوگیا۔
فرینکفرٹ ہائی کورٹ مطابق ’50 ورھے دے منموہن تےاوس دی 51 ورھے دی زنای کنول جیت جرمنی وچ رہن والے سکھ تے کشمیری کمیونٹیز دی جاسوسی کر کے فرینکفرٹ وچ انڈین قونصلیٹ وچ را دے اک اہلکار نوں اطلاعات فراہم کردے سن۔
جرمن قنون مطابق جیہڑے الزام ایس انڈین جوڑے اتے لائے گئے، ایس نوں ثابت ہون پر اک ورھے توں دس ورھے تیک دی سزا سنائی جاسکدی اے۔
استغاثہ مطابق ’منموہن نے سکھاں تے کشمیریاں دی جانکاری اک غیر ملکی ،را دے اک اہلکار نوں پہچان اتے اتفاق کیتا گیا۔
من موہن تے اوس دی زنانی کنول جیت نوں ایس کم دے مہینے وار 200 یورو مل دے سن۔ اوہناں دی گرفتاری تیک انٹیلی جنس ایجنسی اوہنان نوں 7200 یورو دے چکی اے۔
جمعرات نوں عدالت وچ منموہن تے کنول جیت دی شناخت کیتی گئی، ایس مگروں عدالت نے اوہناں دا جرم قبول یاں انکار کرن لئی وقت دتا گیا۔
فرینکفرٹ دی عدالت دا تن رکنی بینچ اگلی سنوائی ،،26 نومبر، 28 نومبر،تین دسمبر، دس دسمبرنوں کرے گا، 12 دسمبر تک فیصلہ سنایا جائے گا۔

اپنی رائے دا اظہار کرو