287

“جاگو بھارت، کشمیر دا رب راکھا” محبوبہ مفتی، عمرعبداللہ نظربند

بھارت دے قبضے والے کشمیر وچ کرفیو ورگیاں سخت تے آواجاوی دی ہٹکاں لادتیاں گئیاں نیں۔ جیہدے مگروں دو سابق وزیراعلیِ عمر عبداللہ تے محبوبہ مفتی نوں نظر بند کردتا گیا۔
عمرعبداللہ نے ٹوئٹر سنیہے وچ آکھیا کہ اوہناں نوں نظر بند کردتا گیا اے تے اجیہا ورتا دوجے کشمیری رہنماواں نال وی ورتیا جارہیا اے۔
اوہناں دا آکھنا اے دوجے آگو گرفتار ہورہے نیں، ہالے پک نئیں جے ایہہ ہورہیا اے تاں فیر اوہناں نال چھیتی ملاقات ہووے گی، اللہ ساڈی حفاظت کرے۔
عمر عبداللہ دے ٹوئٹ دے کجھ چرمگروں ای جموں کشمیر پیپلز ڈیموکریٹک پارٹی دی صدر محبوبہ مفتی نے آکھیا کہ’اطلاع اے پئی انٹرنیٹ سنے موبائل سروس نوں معطل کیتا جارہیا اے کرفیو دے آرڈر وی جاری ہورہے نیں’۔
اپنی ٹوئٹ وچ اوہناں آکھیا کہ ایہہ وی جموں کشمیر اے جنہے جمہوری سیکولر بھارت دا انتخاب کیتا جیہڑا اج کیہو جیا ظلم برداشت کررہیا اے، جاگو بھارت’۔

اپنی رائے دا اظہار کرو