286

بھارتی فلماں تے اشتہاراں اتے ہٹک

کشمیر مسئلے اتے کچھا ودھن مگروں پاکستان سرکار نے بھارتی اشتہاراں اتے پابندی لاون دا فیصلہ کیتا اے، ایس دے نال ای بھارتی فلماں خلاف وی کریک ڈاون شروع کردتا گیا، وزیر اعظم دی اطلاعاوں بارے خاص مددگار فردوس عاشق اعوان ڈان نیوز نال گل بات کردیاں دسیا کہ سرکار بھارتی اشتہاراں اتے ہٹک لادتی اے، سی ڈی دی دکاناں اتے کارروائی کردیاں چوکھی بھارتی فلماں دی سی ڈی پھڑلیاں نیں۔
اوہناں آکھیا کہ داخلہ دی وزارت کارروائی کررہی اے، صوبائی سرکاراں نال مل کے ملک دے دوجے حصیاں وچ وی ایکشن لیتا جاوے گا۔
دوجے پاسے پاکستان الیکٹرانک میڈیا ریگولیٹری اتھارٹی (پیمرا) نے وی بھارت وچ تیار کیتے گئے یاں بھارتی کاسٹ دے اشتہاراں نوں پاکستانی ٹی وی چینلاں تے ریڈیو نیٹ ورکس اتے چلاون دی پابندی لاچھڈی اے۔

اپنی رائے دا اظہار کرو