426

بلاول بارے عمران دے مندڑے بول

لہور (سجن رپورٹ) پاکستان دے وزیراعظم عمران خان نے اج وانا وچ اک جلسے وچ گل کردیاں ہویاں پاکستان پیپلز پارٹی دے چیرمین بلاول بھٹو نوں “بلول بھٹو صاحبہ” کہہ دتا تے اوہناں نوں وصیت دی پرچی نال بنیا لیڈر قرار دے دتا۔ وزیراعظم عمران خان دے ایس طرز کلام تے پاکستان پیپلز پارٹی دے کارکناں ولوں وی احتجاج کیتا گیا تے سوشل میڈیا وچ دوجیاں سیاسی جماعتاں دے لیڈراں، کارکناں، حامیاں نے وی ایس گل دی مذمت کیتی۔ وزیراعظم ولوں بلاول بھٹو نوں “صاحبہ” آکھن تے سندھ اسمبلی دے اجلاس وچ وی احتجاج ہویا تے اک رکن دے ریمارکس تے خاصا رولا وی پیا۔ وزیراعظم عمران خان دے بلاول بھٹو نوں “صاحبہ” آکھن تے اک نیوز شو دی میزبان دے پچھن تے اک خاتون تجزیہ نگار نے آکھیا کہ بلاول نوں “صاحبہ” آکھ کے وزیراعظم نے بلاول دی وی تضحیک کیتی تے عورتاں دی وی تضحیک کیتی۔ شاید وزیراعظم عمران خان عورتاں نوں مرداں توں کمتر سمجھدے نیں۔ وزیراعظم عمران خان دے بلاول بھٹو دے بارے وچ قابل اعتراض جملے تے ٹویٹر وچ اینے تبصرے کیتے گئے کہ “بلاول صاحبہ” ویٹر وچ پہلا ٹاپ ٹرینڈ بن گیا۔

اپنی رائے دا اظہار کرو