424

باہر قید پاکستانی کیویں چھڈن گے

پاکستان وچ مزدور نوں ملک واپس لیاون دے کمزور ضابطہ کار پاروں گھٹ دیہاڑی اتے کم کرن والے ہزاراں پاکستانی مزدور انسانی اسمگلنگ، جبری مزدوری، دوجے ملکاں وچ قید کٹن اتے مجبور نیں۔ اوہناں دی زندگیاں نوں خطرہ وی اے۔ اوہ کجھ کر نئیں سکدے۔ اک رپورٹ وچ دسیا گیا پئی 11 ہزار پاکستانی، جنہاں وچوں تن ہزار 309 سعودی عرب سنے باہر دے ملکاں دی جیلاں وچ قید نیں۔ بھانویں سعودی شہزادے محمد بن سلمان فروری وچ پاکستان دورے موقعے اتے دو ہزار پاکستانی قیدیاں نوں چھڈن دا اعلان کیتا سی۔ ہن تائیں صرف 200 نوں رہائی مل پائی اے۔
ایہہ گل جسٹس پروجیکٹ پاکستان تنظیم دسی، اوہدی رپورٹ وچ وزیراعظم عمران خان توں منگ کیتی گئی پئی سعودی سرکار توں باقی دے قیدی چھڈن دی گل کیتی جاوے۔
اک تقریب سنیٹر فرحت اللہ بابر دا آکھنا سی باہرلے ملکاں وچ قید پاکستانیاں دی رہائی خاص کر سعودی عرب وچ بند پاکستانی رہا کرائے جاون۔ تحریک انصاف دی عندلیب عباس ایہہ گل من لئی پئی سعودی عرب توں کجھ لیاون لیجاون دے مسئلیاں پاروں قیدیاں دی واپسی رک گئی اے، اوس نوں چھیتی یقینی بنایا جاوے گا۔

اپنی رائے دا اظہار کرو