207

این آر او کدے نئیں دیواں گا: عمران خان

ننکانہ صاحب: وزیراعظم عمران خان نے اپوزیشن نوں دوٹوک پیغام دتا اے تے آکھیا اے اوہ بلیک میلنگ دا کوئی وی طریقہ اپنا لین لیکن جد تائیں اوہ زندہ نیں این آر او نئیں ملے گا۔
بابا گرونانک یونیورسٹی دا نینہ اٹ رکھن دی تقریب نال خطاب کردیاں وزیراعظم عمران خان نے کہیا کہ اج خبر پڑھی کہ عدالت نے صوبائی تے وفاق حکومت توں پچھیا کہ کیہ تسیں نوازشریف دی زندگی دی گارنٹی دے سکدے او، عمران خان آکھیا کہ میں اپنی زندگی دی گارنٹی کل تیک نئیں دے سکدا تاں ہور کسے دی کیویں دیواں۔
اوہناں نے کہیا کہ ساڈے دین وچ اللہ نے آکھدا اے کہ زندگی موت اوس دے ہتھ اے۔ انسان کوشش کرسکدا اے اسیں نوازشریف چنگی سہولتاں دتیاں کراچی توں ڈاکٹر لیائے، شوکت خانم دے سی ای او نوں خاص طور اتے گھلیا، اسیں صرف کوشش کرسکدے آں، گارنٹی انسان زندگی موت دی نئیں دے سکدا۔

اپنی رائے دا اظہار کرو