240

پھٹتے آموں کا کیس، ایجنسیاں لے گئیاں، محمد حنیف نوں اڈیک

پاکستانی ناول نگار تے بی بی سی نال کم کرن والے صحافی محمد حنیف الزام لایا اے کہ ملک دی خفیہ ایجنسی آئی ایس آئی توں تعلق رکھن والے بندیاں نے اوہناں دے پبلیشر دے دفتر چھاپہ مار کے اوہناں دے اک ناول دی کاپیاں ضبط کر لیاں نیں، ایہہ وقوعہ پیر نوں کراچی وچ پیش آیا۔
فرانسیسی تے جرمن خبر ایجنسی نے اوہناں دے ٹویٹ دا حوالہ دیندیاں دسیا پئی محمد حنیف دا آکھنا اے کہ آئی ایس آئی نال تعلق دا دعویٰ کرن والے کجھ بندے پبلشر مکتبہ دانیال دے دفتر وچ وڑے تے زبردستی انگریزی ناول اے کیس آف ایکسپلوڈنگ مینگوز دے اردو ترجمے پھٹتے آموں کا کیس دی کاپیاں ضبط کیں۔ محمد حنیف دا کہنا اے کہ ‘نامعلوم افراد‘ نے اوہناں بارے سوال پچھے تے تڑیاں لائیاں کہ اوہ فیر آون گے، حنیف دسیا کہ ایس مگروں شہر وچ کتاباں دی کجھ دکاناں اتے چھاپے مارے گئے تے اوتھے وی اوہناں دی کتاب دی کاپیاں چک لئیاں گئیاں۔
امریکی نیوز ایجنسی ایسوسی ایٹڈ پریس مطابق شناخت ظاہر نہ کرن دی شرط اتے آئی ایس آئی دے اک اہلکار نے کتاباں ضبط کرن دے الزام نوں رد کردتا تے ناول نگار ولوں ”قومی ادارے اتے الزام لا کے سستی شہرت حاصل کرن دی کوشش قرار دتا۔‘‘
محمد حنیف نے دسیا کہ ایہہ کارروائی اجیہے ویلے ہوئی جدوں لنگھے ہفتے جنرل ضیا الحق (پاکستان دے سابق فوجی آمر) دے پتر اعجاز الحق ولوں اک ایک ارب روپے ہتکِ عزت دا نوٹس آیا،جیہدے وچ دعوی کیتا کہ میں جنرل ضیا نوں بدنام کیتا اے۔ محمد حنیف کہندے نیں، ایہہ ناول یاراں ورھے پہلاں انگریزی وچ چھاپیا گیا سی، 2019 وچ ایس نوں اردو ترجمے نال چھاپیا، ہن اعجاز الحق نوں لگیا جیویں اوہناں دے والد نوں بدنام کیتا گیا۔
محمد حنیف ٹویٹ وچ آکھیا کہ اج تیک کسے کتاب بارے نئیں پچھیا تاں ہن کیہ ہوگیا ؟ میں ایتھے بیٹھا اوہناں لوکاں نوں اڈیک رہیا آں، اوہ کدوں آون گے۔

اپنی رائے دا اظہار کرو

پھٹتے آموں کا کیس، ایجنسیاں لے گئیاں، محمد حنیف نوں اڈیک” ایک تبصرہ

  1. ES GHAAR KO AAG LAG GAI GHAR KE CHRIAGH SE KYUN KE HANIF NE ANDAR SE DEKHA KE WATAN KE SAATH KYA HO RAHA THA. WOH MAARNAY KE BAJAYE MARNAY KO TARJEEH DE RAHA HAE!!!

تبصرے بند ہیں