170

اٹلی تریھ ہزار موتاں ھوون والے ملکاں وچ شامل

(اسلام آباد ڈیسک ) اٹلی یورپی یونین دا اوہ پہلا ملک جتھے کورونا وائرس دی وجہ توں 30 ہزار توں ودہ موتاں ہو چکیا نیں۔جمعے نوں اوتھے 243 موتاں ہوئیاں ۔ ھن ملک وچ مرن والیاں دی گنتری 30201 ہو گئی اے ۔ملک وچ کرونا روگیاں دی گنتری 217185 اے تے روزانہ دی بنیاد اتے ساھمنے آون والے روگیاں وچ ہلکی جئی کمی ویکھن وچ آرھی اے ۔اجوکے سمے اک دیھاڑے وچ 1327 کیس سساھمنے آئے۔
برطانیہ وچ مرن والے روگیا ں دی گنتری 30 ہزار توں ودھ جد کہ ھن اٹلی توں بعد کرونا روگیاں دے ودھا وچ سپین دا نمبر اے جتھے مرن والیا دی گنتری 26 ہزار توں زیادہ ہو چکی اے
اٹلی یورپی یونین دا پہلا ملک اے جتھے شمالی علاقے وچ فروری نوں لاک ڈاؤن لاگو کیتا گیا سی جدوں ایتھے کورونا وائرس دے کیس ساھنمے آنا شروع ہوئے سن ، ھن اٹلی نے لاک ڈاؤن دی پابندیاں وچ نرمی کرنا شروع کر دتی اے پر سوشل میڈیا اتے وکھائی جاون والی مورت وچ ویکھیا جا سکدا اے کہ لوک مصروف علاقیاں وچ وی سماجی دوری دے قنوناں اتے عمل نہیں کر رہے تے نہ ہی حفاظتی ماسک دی ورتوں کر رھے نیں ۔

اپنی رائے دا اظہار کرو