436

انڈیا نوں سعودی عرب دی لوڑ اے؟

سعودی ولی عہد شہزادہ محمد بن سلمان اج دو دیہاڑ دورے اتے بھارت اپڑ رہیے نیں۔ پاکستان مگروں اوتھے جاون نوں مبصر ڈاھڈی اہمیت دے رہے نیں۔ تیل دا چوتھا وڈھا درآمدی ملک سعودی عرب اے۔ ایس توں وکھ مودی سرکار عرب ملکاں نال اپنے تعلق ودھاون تے زور دتا اے۔ بی بی سی لکھدا اے پئی اوس دا اسرائیل، ایران تے قطرنال چنگا یارانا اے، جنہاں نال سعودی عرب دی نئیں بنندی۔ ہن سوال اٹھدا اے پئی بھارت سعودی عرب نال تعلق بناون لئی کیہ پرانے بیلیاں نال وگاڑ لے گا؟
دوہاں ملکاں وچ پچھلے ورھے تجارت 27 ارب ڈالر تیک اپڑ گئی سی، اک اندازے مطابق اگلے ورھے اے 49 ارب ڈالر تیک اپڑ جائے گی۔
بھارت نوں جانکاری اے سعودی عرب دے پاکستان نال چنگے تعلق نیں تے شہزادے دا ہن ہویا دورہ وی دوہاں ملکاں دی یاری پکی کرن دا موجب بنیا۔ مبصر آکھدے نیں۔ بھارت سعودی عرب نال سرمایہ کاری ودھان لئی اپنے دوجے بیلیاں نال وگاڑنا نئیں چاہوے گا۔

اپنی رائے دا اظہار کرو