201

امداد چوری دا الزام: شہباز شریف ڈیلی میل خلاف دعوا کردتا

قومی اسمبلی وچ مخالف دھر دے اگو شہباز شریف نے برطانوی اخبار ڈیلی میل دے خلاف قنونی کارروائی لئی برطانیہ دی منی ہوئی لاء فرم کارٹر رک نوں کیس کرن لئی رابطہ کرلیا اے۔
شہبازشریف اپنے دعوے وچ میل آن سنڈے، میل آن لائن تے ڈیوڈ روز نوں فریق بنایا اے، جدکے ایس قنونی فرم نے ڈیلی میل دے پبلشر نوں اک نوٹس جاری کیتا اے۔
شہبازشریف نے نوٹس وچ منگ کیتی اے کہ اوہناں خلاف جیہڑا مضمون چھاپیا گیا اوہ فوری ہٹایا جاوے تے جے اخبار نے معافی نہ منگی تاں اوہ لندن ہائیکورٹ جاون دا حق محفوظ رکھدے نیں۔
شہبازشریف دا مؤقف اے کہ الزاماں وچ سچائی ہوندی تاں اوہناں نوں گرفتار کرکے مقدمہ چلایا جاندا، پاکستان سرکار دے آکھن اتے اوہناں خلاف ایہہ خبر چھپوائی گئی اے۔

اپنی رائے دا اظہار کرو