206

الطاف دی مودی توں سیاسی پناہ دی اپیل

متحدہ قومی موومنٹ دے لندن وچ پناہ لتے قائد الطاف حسین نے وزیراعظم نریندر مودی توں بھارت وچ سیاسی پناہ دیون دی اپیل کیتی اے، اوہناں ایس مہینے وچ اپنے اک وڈیو بیان وچ آکھیا جے بھارت تے وزیراعظم مودی اوہناں نوں ساتھیاں سنے اپنے دیس آکے سیاسی پناہ لین دی اجازت دے دیون تاں بوہت چنگا ہوے کیوں جے اوہناں دے وڈکے ایتھے ای دفن نیں۔ اوہ انڈیا جاکے اپنے رشتے داراں دی قبراں اتے دعا کرن گے۔ الطاف حسین لنگھے 27 ورھیاں توں لندن وچ رہ رہے نیں ایتھے اوہناں نوں برطانیہ دی شہریت مل گئی اے، اوہ تشدد دے الزام اتے مقدمے وچ اجکل ضمانت اتے نیں، اوہناں نوں پہلاں وی دو واری پلس گرفتار کرچکی اے۔ اوہناں دی جماعت ایم کیو ایم لندن 22 اگست 2016 توں اوہناں دی اگ بھڑکان والی تقریر مگروں پابندیاں دا سامنا کررہی اے۔
الطاف حسین نے اپنی تقریر وچ بھارتی سرکار نوں ایس گل دا پک وی کرایا اے پئی اوہ کسے قسم دی سیاسی کارروائی وچ حصہ نئیں لین گے۔

اپنی رائے دا اظہار کرو