90

افغانستان توں بدیسی فوجاں دے ٹر جاون مگروں پاکستان لئی نویاں پسوڑیاں

اسلام آباد (سجن ڈیسک ) امریکی تے نیٹو فوجاں 20 ورھیاں مگروں افغانستان دے بگرام ایئربیس تؤن ٹر گئیاں نیں سٹے وچ اس ملک نوں بے یقینی دے ڈھائے چاڑہ گئیاں نیں ،انٹرنیشنل کرائسسز گروپ دی رپورٹ وچ آکھیا گیا اے کہ افغانستان توں بدیسی فوجاں دے ٹر جاون مگروں پاکستان نوں نویاں اوکھتاں نال مونہ متھا ھو سکدا اے تے دوجے پاسے کابل تے واشنگٹن نال گل بات وچ لما کھپا آپسی ماملیاں وچکار اٹکناں کھڑ یاں کر سکدا اے ،اس ویلے طالباناں نال جاری گل بات رکھن وچ ھی پاکستان تے گواھنڈی ملک فیدے وچ رھسن پر افغانستان وچ موجود دھرا وچ ان ڈ ٹھیاں پسوڑیاں اچن چیت کسے ویلے ساھمنے آ سکدیاں نیں جو کسے دے وارے وچ نئیں ۔انٹرنیشنل کرائسسز گروپ (آئی سی جی) دی رپورٹ موجب کابل وچ موجود دھرا نوں شک شبیھے دیاں گنڈھاں بنھنن دی تھاں اک دوجے نوں وتھ دیون دا چارا کرنا چاھیدا اے پر جیکر افغان جھیڑا ایسے طرحاں چالو رھیا تے دونواں گواھنڈی ملکاں وچکار وچھوڑے دی لائین گاڑھی ھو جاسی سٹے وچ پاکستان تے امریکی دے سانگیا ں نوں نقصان اپڑ سکدا اے پاکستان دے پالیسی سازاں نوں ماملیاں اتے ڈونگھی اکھ رکھنی ھووے گی تے اس ماملیاں دیاں شک شبھے دیاں بنھیاں گنڈھاں ویلے سر کھولنیاں پیسن

اپنی رائے دا اظہار کرو