252

اسلام آباد متنازع بینرز ہٹا دتے، ملزم گرفتار

اسلام آباد پولیس نے شہر دے مختلف علاقیاں وچ کارروائی کردیاں بھارت دے حق وچ لگے بینر ہٹا دتے تے دسیا جاندا اے پئی ملزماں نوں وی گرفتارکرلیا اے،
ڈان نیوز مطابق ہٹائے جاون والے بینراں اتے بھارت دی پارلیمنٹ راجیا سبھا (کونسل آف اسٹیٹ) دے اجلاس دی اک تصویر موجود سی، جیہدے ہیٹھ بھارتی رکن اسمبلی سنجے روت دا اسمبلی وچ دتا گیا پاکستان مخالف بیان انگریزی وچ لکھیا سی،
سوشل میڈیا اتے شیئر کیتی بینراں دی ویڈیو تے تصویراں توں کجھ معلوم نئیں ہوندا پئی کیہ سنیہا دیون دی کوشش کیتی گئی اے۔ بینرز اتے اک ‘لوگو’ بھی موجود سی، جیہدے اتے ‘اکھنڈ بھارت ریل ٹیرر (اٹوٹ بھارت اصل دہشت گردی اے)
پولیس دا کہنا اے کہ پھڑے جاون والے ملزماں جنہاں نے بینر بنائے سن، اوہناں دا کہنا اے کہ گوجرانوالہ دے رہائشی اک بندے نے اوہناں نوں بینر تیار کرن لئی آرڈر دتا سی۔
پلس نے ملزماں گرفتار کرن مگروں بینر بناون والے پرنٹنگ پریس نوں سیل کردتا۔
انٹیلی جنس اداریاں نے ملزماں نوں پولیس توں اپنی تحویل وچ لے لیا تے اوہناں توں مزید پچھ پڑتیت لئی نامعلوم تھاں اتے لے گئے۔

اپنی رائے دا اظہار کرو