236

آصف زرداری دی گرفتاری: پیپلز پارٹی دا احتجاج

پیپلز پارٹی سینٹرل ایگزیکٹو کمیٹی (سی ای سی) نے سابق صدر آصف علی زرداری دی گرفتاری مگروں ملک وچ احتجاج دا اعلان کیتا۔
چیئرمین بلاول بھٹو نے پریس کانفرنس کردیاں آکھیا کہ اوہ سرکار نوں اک آفر دین گے پئی اوہ لوکائی دوست بجٹ لے آئے ، پیپلزپارٹی اوہناں دا ہتھ پھڑلے گی۔ اسیں لوکاں لئی ہمیش جمہوری راہ نوں چنیا اے۔
جے سرکار عوام دشمن بجٹ لیاندا تاں میں اوہناں نوں دساں گا پئی احتجاج کیہ ہوندا اے۔
بلاول بھٹو دسیا پئی لوکاں نال رابطے لئی پارٹی اک کمیٹی بنادتی اے، عوامی رابطہ مہم لئی سارے پارٹی آگوواں نال صلاح مشورہ کیتا جارہیا اے۔
اجلاس وچ اپوزیشن جماعتاں دی اے پی سی وچ شرکت تے متحدہ اپوزیشن نال رل کے چلن دا فیصلہ وی کیتا گیا اے۔
احتجاج دوران پیپلز پارٹی قیادت نال سرکار دی انتقامی کارروائیوں خلاف مظاہرے کیتے جاون گے۔

اپنی رائے دا اظہار کرو