297

چاء پین دی لت دماغ اتے کیویں اثر کر دی اے

چا ء پین دی عادت کجھ لوکاں دے جسماں لئی فیدا تے کجھ لئی نقصان سمجھیا جاندا اے سی پر ھن سائنس دا آکھنا اے کہ اس گرم چاء نوں عادت بنالینا دماغی صحت لئی فیدا ھو سکدا اے ۔اک طبی رسالے امپیکٹ جرنلز ایل ایل سی وچ چھپی تحقیق موجب تحقیقی ٹیم نے چاء پیون دی عادت بناون والے دماغاں دی ساخت اتے ظاہر ھوون والے اثراء دا ویروا کیتااے تے اس حوالےنال رضاکاراں دے اک گروپ نے گرم چاء پیون والی عادت بارے سوالنامے بھرائے۔اس توں بعد رضاکاراں دے دوجے گروپ 2 جو چاء نھیں پیندے سن ، اوھناں نوں وی سوالنامےونڈ دتے گئے ۔فیر ایھناں لوکاں دے دماغاں دا ایم آر آئی اسکین کرایا گیا تاں جے ایھناں دے دماغاں دا ویروا کیتا جا سکے ۔سٹے وچ جانکاری ہوئی کہ چا ء پین دے شوقین لوکاں دے دماغاں دے کنکٹویٹی نیٹ ورک وچ hemispheric asymmetry دی سطح کم سی ، ماضی وچ تحقیقی رپورٹس وچ اس سطح دے ودھا نوں دماغی عمر وچ تیزی سے اضافے سے جوڑا گیا سی ۔ایسی طرحاں چاء پین والے لوکاں دے دماغاں د ا ڈیفالٹ موڈ نیٹ ورک کنکشن زیادہ مضبوط سی ،ا یہ دماغ دا ا وہ حصااے جو معلومات دا ویروا کر دا اے جیویں مستقبل دی منصوبہ بندی تے سوچ وچار بارے اٹکلاں ۔ویروا کرن والیاں دا آکھنا اے کہ چاء پین نال دماغی دی ساکت وچ بہتری آوندی اے جس نال دماغ زیادہ بہتر کم کرن لگدا اے جد کے عمر دے دماغ اتے ھوون دالے اثراں دی رفتار وی ھولی ھو جاندی اے ۔چیتے رھوے کہ ایہ تحقیق چھوٹے پدھر اتے ہوئی سی ، ایہ 15 چاء پیون والے اتے 21 اس چاء توں دور رہن والے لوکاں اتے کیتی گئی.اس تحقیق لئی سنگاپور دی یونیورسٹی نے برطانیہ دی Essex تے کیمبرج یونیورسٹی نال رل مل کے کم کیت سی ۔

اپنی رائے دا اظہار کرو