386

پنجاب پلس. بال موٹر سیکل سواراں نوں موت دا کھیڈ کھیڈن توں نہ ڈک سکی

اسلام آباد (سجن رپورٹ) عیدالفطر دے دوجے دیھاڑے راولپنڈی تے مری ایکسپریس وے اتے تیز موٹر سیکل چلاندیا پندرہ تے سولہ ورھیا دے بال جان توں ھتھ دھو بیٹھے تے درجناں پھٹڑ تے کئیاں دے بھوں زیادہ زخمی ھوون پاروں جسم دے حصے کٹنے پئے۔اس موقع اتے پنجاب پلس تے موٹر سیکل سواراں وچکار اکھ مچولی چلدی رھئی پر پنجاب پلس نکے بالاں نوں ڈکن وچ ناکام رھی جھدے سٹے وچ مری ایکسپریس دے اتے موٹر سیکل سوار خطرناک کرتب کردے رھے تے موٹر کاراں والے پورے سفر وچ ایھناں بالاں دیاں خطرناک اٹکلاں توں کافی پریشان دیکھائی دے رھے سن دوجے پاسے پنجاب پلس چند موٹر سیکل بند کر کے سمجھ بیٹھی کہ اونھاں قنونی ماملے پورے کر دتے نیں پر pims ًُٰھسپتال وچ لمے پئے بال زندگی تے موت دی کشمکش وچ زندگی دی جنگ لڑ رھے نیں جے آون والے اجیھے موقیاں اتے ماپیاں تے پنجاب سرکار پکے پیڈھے پیر نہ پٹے تے ایہ موت دا کھیڈ جاری رھسی

اپنی رائے دا اظہار کرو