431

ٹوٹے

لکھاری
ثنا اللہ گوندل
لہور دے ہک مرحوم وکیل صاحب جٹ ہان۔ جناب دا آکھنا ہا کہ دنیا چ صرف جٹ ایک اعلی ترین نسل اے۔ مزید فرمیندے ہان کہ غیرت مند جٹ یاں تے قتل ہوگئے ن یاں جیلاں چ نوں۔ باقی سارے جٹ وی بے غیرت نیں۔ ظاہر ہے قبلہ آپ وی اوس ویلے تک قتل یا جیل تو بچے ہوئے ہان۔
سچی گل تے ایہہ اے کہ مولا جٹی سماج وچ ہک عزت دار بندے واسطے دیہاڑی چ کم از کم ترائے واری مرن مارن دا مقام پیش آوندا اے۔ کوئی گڈی آلا، کوئی کنڈکٹر، کوئی گنواڈھی، کوئی سیکیورٹی گارڈ یا چوکیدار یا سرکاری نوکر تہاڈے نال جو کردا اے دل کردا اے بندہ مرجاوے یا مار دیوے۔

یوسفی صاحب اس بارے لکھیا ہا۔ کہ پھر انٹرویو پینل نے بشارت سے ایسا سوال کیا جس پر بہادر قتل کر دیتے ہیں اور بزدل خودکشی کر لیتے ہیں۔ لیکن بشارت نے یہ دونوں کام نہیں کیے بلکہ نوکری کرلی جو ان دونوں سے مشکل ہے۔

دوجی گپ اللہ بخشے ملک صاحب دی یاد آئی اے۔ فضول تے بے کار بحث کرن آلے بندے ن آہدے ہوندے ہان۔ جناب ماہر صاحب کیہ سِنگھ وچو گوشَت کڈھدے راہندے ہو؟!

سنیا اے پرانے زمانے چور جتھے ڈُھکدے ہان تے راکھویں کُتیاں ن آہرے لاون کان ڈنگراں دے خالی سنگھاں وچ گوشت پا کے لئے جاندے ہان۔ تے کتیاں اگے سٹ چھڈدے ہان ۔کتے ن گوشت دی خشبو تے امید راہندی ہائی پر سنگھ وچ پچھے دھکیا دبیا گوشت اوہناں کولو نکلدا کوئی ناہ۔

غریب دی خوشحالی دی خواہش ، یا ڈاہڈیاں یا بندوقیاں ن عدالتاں ہتھو سزا دواؤن دی یا سویلین بالادستی یا دنیا چ امن تے انصاف دی تانگھ وی کدیں کدیں سنگھ چو گوشت کڈھنے آلا کم لگدائے۔

اپنی رائے دا اظہار کرو