387

میں تے میرا دُلا بھٹی

لکھاری
راول راٹھ

میرا دلا بھٹی
میں تے دلا مڑدا ویکھاں
ہردیاں سرکاراں ویکھاں
شاہ حسین دھمالاں پاندا
کھڑکدیاں تلواراں ویکھاں
جاگنا بھئی جاگنا
سورمے نے جاگنا
لے کے ویری گھیریاں
فر دیش چوں تیاگنا
فصلاں نوں کھڑدا ہویا
آندیاں بہاراں ویکھاں
میں تے دلا مڑدا ویکھاں
ہردیاں سرکاراں ویکھاں
شاہ حسین دھمالاں پاندا
کھڑکدیاں تلواراں ویکھاں
کملیاں نے دینیاں نے
جنداں وچ قربانیاں
چارے پاسے ویکھدا میں
اٹھدیاں جوانیاں
دیس دے میں کونیاں چوں
آندیاں نے ڈاراں ویکھاں
میں تے دلا مڑدا ویکھاں
ہردیاں سرکاراں ویکھاں
شاہ حسین دھمالاں پاندا
کھڑکدیاں تلواراں ویکھاں
بھوگیا بے بھوگیا
ہن انت ہویا بھوگنا
چھڈنا نہیں چھڈنا
ہن ویریاں نوں ٹھوکنا
گھوڑیاں دی پٹھ تے میں
آندیاں نے ڈاراں ویکھاں
میں تے دلا مڑدا ویکھاں
ہردیاں سرکاراں ویکھاں
شاہ حسین دھمالاں پاندا
کھڑکدیاں تلواراں ویکھاں
راولا توں پیڑ گھوڑی
ششتراں دی دھار لا توں
آگئے نے کنڈھیاں تے
بیڑیاں نوں پار لا توں
لدنا ہے ڈاچیاں
پھڑدا میں مہاراں ویکھاں
میں تے دلا مڑدا ویکھاں
ہردیاں سرکاراں ویکھاں
شاہ حسین دھمالاں پاندا
کھڑکدیاں تلواراں ویکھاں

اپنی رائے دا اظہار کرو