427

غصہ نہ کرو،کیویں ممکن اے؟

دنیا وچ کسے بندے دا مزاج وگڑن دے کئی کارن نیں، تعلقات وچ دراڑ، مالی پریشانیاں تے صحت دے مسائل ساڈی ذہنی حالت اتے اثرپاندے نیں۔ اینہاں اتے کنٹرول نئیں پایا جاسکدا،لیکن بدقسمتی نال کجھ نکی موٹی شیواں تہاڈی زندگی بدل کے تہانوں غصے دا عادی بنادیندیاں نیں۔ جے تہاڈا موڈ ہر ویلے خراب رہندا اے ایس دے کارن کیہ نیں تے کون ایس دا ذمہ دار اے؟
اک وڈا کارن قدرتی ماحول توں دوری اے، ہریالی والی تھاواں اتے جانا ذہن لئی بوہت چنگا ہوندا اے۔ شہراں دے لوکیں ہریالی توں دور رہن کارن ڈپریشن، غصے تے دوجے ذہنی مسئلے ودھاندے نیں۔
سبزیاں تے پھل دے استعمال نال مایوسی تے ذہنی روگ توں بچایا جاسکدا اے۔
سورج دی روشنی نہ ویکھن دے عادی لوکیں بدمزاج ہوجاندے نیں۔ وٹامن ڈی دی کمی دا شکار ہوجاندے نیں۔ سورج دا چانن جنہاں نئیں ملدا اوہ ہر ویلے غصے، خراب مزاج تے مایوسی وچ رہندے نیں۔
مزاج چنگا رکھن وچ پانی وی وڈا کردار ادا کردا اے، جے تہانوں پیاس لگی ہووے تاں تھکاوٹ ، توجہ کرن دی صلاحیت نالے بدمزاجی دا شکار ہوجاندے او۔
بوہت زیادہ کم کرن دی عادت نہ صرف جسمانی حالت خراب کردی اے سگوں ایس دے ذہنی صحت اتے برا اثر پیندا اے۔
فیس بک اتے زیادہ ویلا گزارن نال وی لوکاں دا مزاج خراب ہوجاندا اے۔ ایہدے نال وقت ضائع ہوندا اے۔ نتیجے وچ موڈ وگڑ جاندا اے۔
گھٹ ہسن والے تے گھٹ نیند کرن والے وی غصے دا شکار رہندے نیں، ایس لئی روز ہسیا کرو تے اپنی نیندر پوری کریا کرو۔

اپنی رائے دا اظہار کرو