477

بوٹے گل کردے،سوچدے تے احساس کردے

بی بی سی دے ہوسٹ تے بوٹیاں دے ماہِر جیمز وانگ آکھدے نیں بوٹے بے جان شے نئیں ہوندے اوہناں وچ بڑیاں خاصیتاں ہوندیاں نیں،جیہڑیاں انساناں تے جانوراں وچ پائی جاندیاں نیں۔ اوہناں دی زبان ہوندی اے، یادداشت چیتا ہوندا اے۔ سائنسداناں دی پوچول مطابق پودے اپنے سجھے کھبے دیاں شیواں نوں سنگھن دی طاقت رکھدے نیں۔ اجیہی شہادتاں وی ملیاں نیں بوٹے دوجے بوٹیاں نوں کسے خطرے توں خبردار وی کردے نیں۔ اوہناں دا اک دوجے نال رابطے دا نظام وی پایا جاندا اے۔
اوہناں وچ فیصلہ کرن تے یاد کرن دی صلاحیت وی ہوندی اے۔ اوہ خوشبو راہیں اک دوجے نوں سنیہا پہنچاندے نیں۔ جس دا مقصد اوس نوں خطرے توں جانکاری دینا اے۔

یونیورسٹی آف کیلیفورنیا دے پروفیسر ڈیوس کاربن خبودار جھاڑیوں ساج برش اتے تحقیق کردیاں پتہ لگایا اے بوٹے اپنے گوانڈھیاں بوٹیاں نال چنگے طریقے نال اطلاعات دا تبادلہ کردے نیں۔ اوہناں دی اک دوجے نال رشتے داری وی ڈاھڈی گوڑھی ہوندی تے اوہناں رشتے داراں نال گل بات دوجیاں دے مقابلے چنگی ہوندی اے۔ بوٹے چانن تے واج نال اپنی خوراک نوں سیہان لیندے نیں۔ سائنسداناں دا آکھنا اے کے نیلی لائٹ توں بوٹیان نوں اشارے ملدےنیں۔

بوٹے اک دوجے نال ہولی ہولی گل وی کردے نیں، جیہدے نال اوہناں دا رابطے دا نظام بنیا رہندا اے۔ سائنسداناں دی صلا اے بوٹے بڑے ذھین ہوندے نیں۔ ایہناں نوں محسوس کرو، ایہہ انسان دے بیلی وی بن جاندے نیں۔

اپنی رائے دا اظہار کرو

بوٹے گل کردے،سوچدے تے احساس کردے” ایک تبصرہ

تبصرے بند ہیں