478

بلیک ہول تے ساڈے مسئلے

لکھاری
عبید اللہ چودھری

تازہ تازہ فوٹو تے خبر آئی اے بئی “بلیک ہول” دا سائز 40ارب کلو میٹر ہے اے۔ کئی سجن بیلی سوشل میڈیا تے اس گل تے بحث کر رہے نیں۔ مینوں سمجھ نہیں آ رہی کہ ساڈے کول نا بجلی اے تے نا ای پانی ! نا تیل اے تے نا ای گیس! تے بلیک ہول دی بڑی فکر اے کہ اوہدا سائز کیہ اے تے اوہ زمین تو کِنا دور اے۔
4-5ورھے پہلے دی گل اے میرا ٹیکنالوجی دی اک وڈی یونورسٹی دی تقریب وچ جاون ہوئیا۔ یونیورسٹی وچ 122 پی ایچ ڈی استاد سن تے یونیورسٹی اپنے ہزار ریسرچ پیپر مکمل ہون دا جشن منا رہے سن۔ اوہناں دی بد قسمتی کہ مینوں چرچا کرن لئی سٹیج تے بلا لیا۔ میں مبارک دیتی تے اک سوال پوچھ لیا؟ اس اک ہزار ریسرچ پیپراں دے نال پاکستان یا دنیا دے کسی وی انسان دی زندگی وچ کیہ بہتری آئے گی؟ فیر ڈین توں وائس چانسلر صاحب تائیں کسے کولوں بس ایس اک سوال دا جواب نہ لبھا تے سارے ای اک دوجھے دا منہ تکن لگ پئے۔ میرے خیال وچ ساڈا ایہہ قومی مسئلہ اے کہ اسی وڈیاں وڈیاں گلاں تے منصوبیاں دی گل کردے آں۔ پر روٹی ، کپڑا ، مکان ، تعلیم، صحت، صفائی ، روزگار دا حل کڈھن دی تھاں اسی دنیا تے حکمرانی دا منصوبے توں تھلے گل ای نہیں کر دے۔ ایس طرح تے روٹی ، مکان تے روزگار دا مسئلہ اگلے سو سال وی حل نہیں ہو سکدا! حکومت نوں اللہ دا واسطہ اے، ایس دنیا نوں دنیا ای رہن دیو، پاکستان نوں ایماندار تے صاف شفاف جنت بناون دی کوشش دا انجام اسی 70 ہزار جاناں دے کہ ہن تک بھگت رہے آں۔

اپنی رائے دا اظہار کرو

3 تبصرے “بلیک ہول تے ساڈے مسئلے

  1. چودھری صاحب واقعی ایس ملک دے مسئلے دنیا نالوں وکھرے ای نیں

  2. ilm di koi wi gal korh naei. scienci jaankari no sajjan plarhan walyan noo ji aaya noon kehna chahi da. je roto tukkar,rozgr ghar da masala je oos baray sarkaran noo apnay programan di laaj rakhan layei kaam karna chahi da

تبصرے بند ہیں