491

ازادی دی منگ،اک سوال . شاہد اقبال

اجکل زنانیاں دے اک حلقے ولوں کھلی آزادی تے مرداں دے سماج خلاف آواز چکی جارہی اے زنانی دیہاڑ اتے کراجی وج اک وکھالے دوران چوکھیاں مانگاں کیتیاں، جنہاں وچ وڈی گل ایہہ سی بئی جیہڑا کم مرد کر سکدے نیں اوہ عورت کیوں نئیں کر سکدی۔ اوہ گھر دے اندر تے باہر سب کم اپنی مرضی نال کرن دی منگ لے کہ سڑکاں تے آئیاں۔


اوہناجہیڑے پلے کارڈ چکے ہوئے سن اوہناں ستے ہوئے معاشرے نوں جگا دتا۔ عورت ولوں آزادی دی منگ نیں ایہہ بحث چھیڑ دتی کہ اوہ کس دبا وچ جندڑی گزار رہی اے کہ اوہنوں ساہ لینا اوکھا ہو گیا اے تے اوہ کسے چنگی تبدیلی لئی ہتھ پیر مار رہی اے۔ آکھن والے تے ایہہ وی کہندے نیں بئی عورت دی تربیت عورت ای کردی اے، جیہدی اپنی وی کوئی ٹریننگ نئیں ہوندی۔ گل سرے تو ای وگڑ جاندی اے جدوں ماپے منڈے دی دعاواں منگدے نیں مگروں ہر کم وج منڈے نوں اگے رکھدے نیں، پڑھائی ہووے بھانویں کپڑا جوتی منڈے نوں ودھ توں ودھ شیواں ملدیاں نے تے کڑیاں وچاریاں منہ ویکھدیاں رہندیاں نیں۔ کھان پین وچ وی چنگی بوٹی پتر لئی رکھی جاندی اے تے دھی دی خوراک تے دھیان نہیں دتا جاندا۔ ایہہ کہانی ہر گھر دی تے نئیں پر بوہتے لوک منڈے کڑی وچ فرق کر جاندے نیں۔ ایتھوں مرد دے معاشرے دی نیہہ رکھ دتی جاندی اے۔ کڑیاں جدوں ایہہ محرومیاں لے کے وڈیاں ہوندیاں نیں تے اوہناں وچوں کج دا غصہ ری ایکشن وچ بدل جاندا جد کہ وچاری بوہتیاں قسمت دا لیکھ سمجھ کے صبر کر لیندیاں نیں۔ لمی چوری آزادی منگن والی سوانیاں دیاں کح مانگاں تے ٹھیک نیں پر کج گلاں اجیہی نیں جیہڑیاں ساڈا معاشرہ من نئیں سکدا۔ ساڈے سماج وچ عورت نوں کسے اک دا ہو کے رہنا ای پیندا اے، نئیں تے فیر اوہنوں اک اک دا ہو کے رہنا پئے گا، تے ساری رہتل تتر بتر ہو جاوے گی۔ زنانیاں کھلی آزادی لئی جو مانگ کر رہیاں نیں اوہدے لئی اوہ باہر دے اوہناں ملکاں ول ویکھ رہیاں نیں، جتھے ایہہ سب ہو سکدا اے کیوں جے اوہناں اے کوڑا گھوٹ بھر لیا اے، جد کہ ساڈے ایتھے ایہہ زہر دا گھوٹ اے۔ مرد دی چودھرا دے خلاف نکلن والیاں زنانیاں جنہاں نو فیمینسٹ وی آکھدے نیں، اوہ آزادی منگدیاں نیں، جیہدی اوہدے گھر والے پچھ پرتیت کرن تے ناں ای قنون اوہناں نوں ڈکے۔ اجیہاں مانگاں پورنا سوکھا کم نئیں۔ ایس لئی سوانیاں نوں دماغی گھٹن تو بچانا پوے گا۔ آزادی دی گل بڑی سوہنی لگدی اے پر کسے آکھیا اے کہ تہاڈی آزادی اوتھے مک جاندی اے جتھے دوجے دی آزادی شروع ہوندی اے۔

اپنی رائے دا اظہار کرو

4 تبصرے “ازادی دی منگ،اک سوال . شاہد اقبال

  1. شاھ جی گل تے ٹرن دیو تساں ڈکے ھتھ پڑھ لے نیں۔خیر تھا ڈی سوچ دا ا حترام لاذم اے—ایھ 1900 دا زمانھ نھیں تے اسیں پورے سماج دے ٹھیکیدا ر نھیں،ڈریا گل نھیں بندی سرکار———–

  2. ZANANIAN BARABRI DI MANG KARDIAN NE TE EH KORH GAL NAEN.
    BARABRI LOKAEE DI SAMAJI TARRAQI/IRTIQA DA VIKHALA AE. KYUN JE AAJ N A TE MADAR SARI NIZAM CHAL SAKDA AE NA HI PADAR SARI NIZAM.
    AURAT MARD DI AZADI DA EKKO AE MATLAB HO SAKDA AE.JE HAQ SAMAJ MARD DE LAE MANNAY OOH HI ZANANIAN LAE HONA CHAHI DA.

    NAEIN EH GAL SACH HAE TE HAALI TEKAR ZANANIAN NOO BARABARI DA HAQ SARAY JEHAN WICH EK MULK NE DITTA HAE ES LAEI LOKAI NOO EH HAQ ZANANANIA LAEI LEENAY PAEIN GE. EH SARAY JAG DI LOKAI DI MANG HONI CHAHI DI SAJJAN ES DI EK KAAMA BANAY GA

تبصرے بند ہیں