463

کوئی اگر مگر نئیں، بریگزٹ 31 اکتوبر نوں، بورس جانسن

لندن غیر ملکی خبر ایجنسی ‘اے ایف پی’ دے مطابق اپنے نویں دفتر ڈاؤننگ سٹریٹ دے باہر میڈیا نال گل بات کردیاں بورس جانسن نے برسلز نال ‘نواں معاہدہ’ کرن دا وعدہ کیتا۔
ملکہ الیزبتھ دوم ولوں باضابطہ وزیر اعظم مقرر کیتے جاون مگروں بورس جانسن اپنا مشن بیان دسدیاں آکھیا کہ یورپی یونین توں وکھرے ہووں دے ووٹ دا آدر کرنا چاہیدا اے۔
نویں چنے گئے وزیر اعظم دا کہنا سی کہ ‘اسیں نواں معاہدہ کراں گے، اک بہتر معاہدہ جیہدے نال بریگزٹ توں بنن والے موقعے ودھن گے۔’
اوہناں آس کیتی پئی 99 دناں دی مدت وچ ایہہ سبھ کجھ ہوجاوے گا۔ کیوں جے برطانیہ دے لوکاں ہن بوہت صبر کرلیا اے۔
ایہہ گل وی دسن جوگ اے پئی پاکستان جمے برطانوی ساجد چودھری نوں نویں سرکار وچ خزانہ دا وڈا وزیر نامزد کردتا اے۔

اپنی رائے دا اظہار کرو