256

پتر دا تشدد، ماں مرگئی، میاں بیوی نوں 10 سال قید

دبئی: مقامی عدالت نے دو بھارتی میاں بیوی نوں دس دس ورھے دی قید دی سزا سنائی اے، اوہناں اتے الزام سی پئی ، بندے اپنی ماں نوں پوترے دا خیال نہ رکھن اتے ماریاں، اوس نوں کئی دناں تیک کھان نوں وی کجھ نہ دتا، جیہدے کارن اوس مائی دی موت ہوگئی۔

ال غوثیہ دے علاقے وچ 29 ورھیاں دے بھارتی تے اوس دی 28 ورھیاں دی زنانی بھارت توں اپنی ماں نوں بلایا تاں جے اوہ نکے بال دا دھیان رکھے، اوہناں نوں بال دی نیپی نہ بدلن کارن بیمار ہون اتے، ماں نوں غصے وچ کھانا دینا بند کردتا، اوس کول کم کراندے ایس دوران ماردے۔
اوہناں دی اک گوانڈھن نے جدوں مائی نوں ڈاھڈی ماڑی حالت وچ ویکھیا تاں اوس نوں خیال آیا پئی ایس نوں کھان نوں کجھ دیوے، اک دیہاڑے اوس ویکھِیا مائِی بری طرحاں سڑی سی، اوہدی ساڑھی جسم نال لگی سی، اوس ایمبولینس بلاکے ہسپتال گھلیا۔ امدادی کامے دسیا کہ مائی دا منڈا ایمبولینس وچ نال نئیں آیا، اوہ دور توں ویکھدا رہیا۔
ہسپتال اپڑ کے مائی مرگئی، ڈاکٹراں دسیا کہ تشدد، سڑن تے کئی دیہاڑ توں بھکھے رہن کارن اوس دی موت ہوئی، اوس ویلے اوہدا وزن 29 کلو رہ گیا سی،
عدالت وچ میاں بیوی خلاف مقدمہ چلیا، 30 اکتوبر نوں اوس دوہاں نوں دس دس ورھے دی سزا سنائی،

اپنی رائے دا اظہار کرو